Komisioni i Organizimit dhe Kontrollit të Operacioneve Elektorale në PD ka zyrtarizuar dy kandidatët që do të garojnë për kryetar të Partisë Demokratike në zgjedhjet e 22 majit.
Sali Berisha do të ketë tashmë një kundërshtar. Mësohet se kërkesa e Ibsen Elezit është pranuar dhe ai do të jetë kandidati që do të tentojë të sfidojë ish-kryeministrin Berisha më 22 maj.
“Në përfundim të afatit të paraqitjes së kandidaturave për kryetar të PDSH, kanë shprehur interesim për këtë garë, konform Vendimit Nr. 12 dt 03.05.2022:
1. Z. Sali Berisha
2. Z. Ibsen Elezi
Mbledhja e ardhshme e Komisionit do të mbahet ditën e martë ora 11.00”, thuhet në njoftimin e PD.
Sali Berisha dorëzoi të premten dokumentacionin e nevojshëm, ndërsa pas tij paraqiti kërkesën edhe Ibsen Elezi, i cili në të kaluarën ka qenë kryetar i PD në Kukës. Elezi ka tentuar të rivalizojë edhe Lulzim Bashën, por kandidatura e tij nuk u pranua.
