Punëtorët e incineratorit të Fierit ditën e sotme dolën në protestë për të kërkuar rrogat e prapambetura. Sipas tyre ata nuk janë paguar që prej janarit të këtij viti.
Deputetja demokrate, Jorida Tabaku, ish-kryetare e Komisionit Hetimor për Inceneratorët akuzon qeverinë se kanë marrë lekët nga buxheti i shtetit për një incinerator që nuk ekziston dhe për më tepër nuk paguajnë as punëtorët.
“Ky po që është biznesi tipik i kësaj qeverie. Marrin 28 mln nga buxheti për një incenerator që nuk ekziston dhe s’paguajnë as punonjësit!
Paguhen kompani fantazma dhe transaksione në kompani offshore dhe jo të punësuarit! Vjedhja shekullit €430 mln”, shkruan Tabaku.
