Këtë të hënë të 9 majit një fëmijë trevjeçar që kishte rënë në Lumëbardhin e Pejës derisa ai po argëtohej me një veturë elektrike është shpëtuar nga tre persona, njëri nga ta ka qenë edhe prindi i fëmijës.
Po ashtu sipas Rugovës, lëndime ka pësuar edhe njëri nga tre personat që ishte futur në lumin e qytetit për ta shpëtuar fëmijën.
“Rreth orës 19:45 policia ka pranuar informatën se në lumin e qytetit, në vendin e njohur si “Parku i Vogël”, një fëmijë ka rënë në lumë dhe në vendin e ngjarjen kanë dal menjëherë njësitet kompetente. Në vendin e ngjarjes ka ardhur edhe ambulanca dhe zjarrfikësit”, tha Rugova për AP.
Rugova ka shtuar se fëmija dhe tre personat që kanë hyrë në lumë janë dërguar në Spitalin e Pejës për tretman mjekësor.
Por, fatmirësisht fëmija dhe tre personat e tjerë janë jashtë rrezikut për jetë.
