Ish-kryetari i Gjykatës Kushtetuese, Bashkim Dedja është dërguar për gjykim nga SPAK-u.
Ai do të gjykohet për deklarim të rremë dhe fshehje pasurie. Saktësisht bëhet fjalë për një apartament në zonën e Golemit.
Bashkim Dedja u shkarkua në dhjetor të 2020 nga KPA, e cila arsyetoi se Dedja ka pasuri më të madhe nga sa mund të justifikojë dhe nuk ka paraqitur burime të ligjshme financiare për to.
Në tetor të viti të kaluar, GJKKO ka refuzuar të zbatojë urdhrin e SPAK-ut për sekuestrimin e pasurisë së tij.
VENDIMI I GJKKO-së:
Gjykata e Posaçme e Shkallës së Parë për Korrupsionin dhe Krimin e Organizuar, me vendimin nr.8, datë 20.4.2021, vendosi:
• Pranimin e kërkesës së Prokurorisë së Posaçme Kundër Korrupsionit dhe Krimit të Organizuar Tiranë.
• Vendosjen e sekuestros mbi pasurinë në zotërim të shtetasit Bashkim Dedja, e llojit apartament, me sipërfaqe 60 m2, e ndodhur në zonën Kryemedhenj, Njësia Administrative Golem Kavajë.
