Kërkohet drejtësi. Gruaja e 59-vjeçarit Ferdi Metushi që ndërroi jetë më 5 maj në fshatin Mollaj të Ballshit, ku mjeti i tij u rrëzua në pikën e grumbullimit të inerteve duke e zënë poshtë nuk ka humbur shpresën se drejtësia do të vendoset në vend.
Ndalime Metushi u shpreh sot makina që burri i saj po kur u aksidentua ishte marsh të prishur dhe se pas vdekjes së 59 vjeçarit sipas saj janë “fshirë” provat. Gjithashtu kompaninë se nuk e kishte siguruar të shoqin.
“Unë kam ardhur këtu për t’i bërë thirrje prokurorisë policisë drejtorit të policisë për të drejtën e burrit tim se përse u vra. Kemi dëgjuar që kanë thënë deklarata të ndryshme nga realiteti. Na kanë rënduar më tepër se ç’më iku burri.
Dua drejtësi për burrin tim se përse u vra. Ai punonte ditën natën tërë javën. Kur ka punuar ka qenë i pasiguruar. Kur më iku burri dëgjoj pronarin i cili më erdhi në shtëpi dhe thotë se ka qenë i siguruar. Në një kohë që sigurimi është bërë pas vdekjes. Kur ka bërë aksidentin burri ka qenë defekt leva e marshit.
Leva e marshit ka qenë e prishur. Në këtë kohë burri është marrë me levën e marshit ka qenë i ngarkuar ka qenë duke e shkarkuar e ka tërhequr ngarkesa dhe e ka zënë poshtë.
E kishte siguruar burrin pas vdekjen. Arben Lutaj quhet pronari i firmës. I thoshte gjithmonë për lekët se ja vononte. Lekët i merrte në dorë.
Nuk na kanë lajmëruar ne si familje e kemi marrë njoftimin pasi burri ka qenë në morg. Kemi parë se është bërë ndërhyrje te kjo makinë pas vdekjes. Burri im në tërë jugun e kërkonin të gjitha kompanitë” tha ajo.
