Safet Bajri, pjesë e grupit “Bajri” në Shkodër, të cilit i kanë mbetur edhe 10 muaj burg për të kryer, kërkon lirinë.
Ai është shprehur se kërkon lirinë me kusht dhe zotohet se nuk do të kryejë më krime. “Nuk do të bëj më krime, do të respektoj ligjin”, mësohet të ketë thënë ai.
Ai u dënua me 6 vite burg nga Belgjika si pjesë e një grupi narkotrafiku. Ai u arrestua në vitin 2018 në kuadër të operacionit “Oazi” ndërsa kjo është herë e dytë e një kërkese për liri me kusht pasi më herët i është refuzuar.
Bajrit i kanë mbetur për të shlyer edhe 10 muaj dënim, pasi nga 6 vite, 3 i shleu në Bruksel dhe 2 vite e dy muaj i ka shlyer deri më tani në qelitë e 302-shit.
