Aldo Bumçi, nga Komisioni i Rithemelimit, i ftuar në “5 Pyetjet nga Babaramo”, e krahasoi situatën për zgjedhjen e presidentit të ri me atë të vitit 2002 kur në krye të institucionit të Presidentit të Republikës vendosej Alfred Mosiu.
“PS, duke pasur votat, procesi duhet të ishte drejtuar ndryshe, duke i dhënë të drejtën opozitës për të propozuar.
Rasti është i njëjti si me kohën kur u zgjodh president Alfred Moisiu. Shumica nuk i ka votat për të zgjedhur presidentin me vjedhjet që ka bërë në zgjedhjet e fundit. Të bësh makijazh nuk ka interes. Nuk është dinjitoze të propozosh emra kur tjetra nuk ka vullnet për t’i zgjedhur”, tha Bumçi.
Pse u tërhoq Alibeaj nga bisedimet?
“Ai nuk ka tagër për të negociuar. Alibeaj nuk shpreh vullnet tjetër veç atij të grupit parlamentar dhe për këtë nuk ka tagrin”.
