Ukraina ka fajësuar pezullimin aktual të bisedimeve të paqes me Rusinë për dështimin e Moskës për të gjetur zona për kompromis.
“Procesi i negociatave është në pritje,” u citua të thoshte Mykhaylo Podolyak, një ndihmës presidencial, në një deklaratë të lëshuar nga presidenca.
Podolyak, i cili është gjithashtu negociatori kryesor i Kievit në bisedimet me delegacionin rus, tha se Rusia nuk dukej se e kuptonte se lufta “nuk po zhvillohet më sipas rregullave, orarit të saj ose planeve të saj”.
“Objektivi strategjik i rusëve është: gjithçka ose asgjë”, tha Poldolyak, duke sugjeruar se nuk kishte vend për fleksibilitet në negociatat e Moskës deri më tani.
Bisedimet midis Rusisë dhe Ukrainës janë mbajtur rregullisht, si personalisht ashtu edhe përmes video-telefonatave, që nga fillimi i pushtimit më 24 shkurt – por deri më tani nuk kanë arritur të japin ndonjë rezultat pozitiv.
Siç raportuam në një postim të mëparshëm, zëvendësministri i Jashtëm rus Andrei Rudenko konfirmoi se aktualisht nuk ka bisedime të vazhdueshme për paqen “në asnjë formë”, duke sugjeruar se Ukraina ishte “tërhequr praktikisht nga procesi i negociatave”.
