Presidenti i Këshillit Evropian, Charles Michel, gjatë vizitës së tij zyrtare në Tiranë, ka deklaruar hapur se e mbështet plotësisht nismën “Open Balkan” dhe u ka bërë thirrje të gjashtë vendeve të Ballkanit Perëndimor të aderojnë në këtë nismë.
Sipas kreut të ekzekutivit të KiE-së, vendet e bashkuara me këtë nismë, mund të përfitojnë shumë në nivele të ndryshme, mbi të gjitha në ato ekonomike, infrastrukturore, digjitale etj..
Madje, ai ka thënë edhe se kjo nismë, nëse arrin të konvergojë gjithë politikat rajonale me ato të Bashkimit Evropian, është një ndihmesë shumë e madhe më pas, për anëtarësimin e thjeshtuar në union.
