Nga Ben Blushi
Anxhi kishte ditlindjen. Të premten datë 13.
Po ku të rastisën këto dy ditë, edhe 13 edhe e premte,i thashë
Unë jam Anxhi,tha Anxhi, e bëj ditlindjen kur dua.
Do ketë muzikë,e pyeta
Kam tre dj,por duro deri te i treti është super, tha Anxhi
Pse është super i treti?
Se është shoku im,tha Anxhi
Po balerinin ku e ke,e pyeta
Balerini nuk është me mua që në shkurt,tha Anxhi
Dmth kërcen vetëm,e pyeta
Unë jam Anxhi,tha Anxhi, kërcej me kë të dua
Sa dhurata ke marrë për ditlindje Anxhi?
Dy varëse,tha Anxhi
Të pëlqyen?
Njërën ma solli vëllai, një diamant
Po tjetrën?
Tjetra ishte një varëse me tre hallka të verdha por më humbi në rërë,
Si të humbi sa e vure në qafë,e pyeta
Humbi se ishte me tre hallka,tha Anxhi, unë tani jam dy
Po si do ja bësh,e pyeta
Unë jam Anxhi,tha Anxhi, do ma blejnë prapë
Edhe unë do të bej një dhuratë,i thashë
Ca dhurate,pyeti Anxhi
Një foto me viza në trup,thashë unë
Foto poshtë litareve,tha Anxhi
Tamam,thashë unë
Litarët i kam lidhur unë,tha Anxhi
Ti lidh litarë nëpër trarë ?
Unë jam Anxhi,tha Anxhi,lidh gjëra që nuk lidhen,unë jam connecting people
