Një person ka rënë në lumin e fshatit Deiq të Klinës.
Zëdhënësi i Policisë për rajonin e Pejës, Fadil Gashi, ka thënë se peshkatarët kanë tentuar ta nxjerrin nga uji, por nuk kanë mundur.
“Sot rreth orës 08:15, policia është njoftuar nga disa peshkatarë në fshatin Deiq të Klinës, se derisa ishin duke peshkuar kanë vërejtur një trup duke lëvizur në ujë. Ata kanë tentuar ta nxjerrin nga aty, por pa sukses”, tha Gashi.
Ai ka theksuar se në vendngjarje kanë dalë njësitet policore dhe zjarrfikësit dhe rrugës janë edhe FSK-ja.
Sipas mediave lokale, policia dhe zjarrfikësit po vazhdojnë kërkimet.
