Një makinë tip Benz është përplasur me një motor në aksin Tepelenë-Gjirokastër.
Aksidenti ka ndodhur rreth orës 2:30 në Virua. Si pasojë e përplasjes ka mbetur i plagosur shoferi dhe pasagjeri në motor.
Njoftimi i policisë
Gjirokastër/Informacion paraprak
Rreth orës 14:30, në aksin nacional Gjirokastër-Tepelenë, në vendin e quajtur “Virua”, mjeti tip “Benz”, me drejtues shtetasin E. Z., 34 vjeç, banues në Gjirokastër është përplasur me motoçikletën me drejtues shtetasin M. N., 29 vjeç, banues në Fier.
Për pasojë është dëmtuar drejtuesi i motoçikletës dhe pasagjerja D. N., 28 vjeçe, të cilët u transportuan në spitalin Rajonal Gjirokastër për të marrë ndihmën mjekësore, jashtë rrezikut për jetën.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
