Kryeministri i Shqipërisë, Edi Rama u takua gjatë ditës së sotme me delegacionin e europarlamentarëve që do të vizitojnë edhe Malin e Zi.
Palët biseduan për progresin në procesin e reformës dhe sukseset në fushën e drejtësisë dhe procesin e suksesshëm të vetingut.
Lajmi u bë i ditur nga europarlamentari austriak i “Të Gjelbërve”, Thomas Waitz.
BE-ja duhet të fillojë bisedimet e anëtarësimit me Shqipërinë tani!”, ishte thirrja e tij në median sociale Twitter.
Vizita trajtoi gjithashtu çështjet e theksuara në raportin e Parlamentit Evropian për Shqipërinë të miratuar nga seanca plenare më 19 maj 2022.
Delegacioni prej shtatë eurodeputetësh kryesohej nga politikani gjerman David McAllister (EPP, DE).
Për të parë ndikimin që ka pasur financimi i para-anëtarësimit në të dy vendet, anëtarët do të vizitojnë një shkollë të rindërtuar në kuadër të programit EU4schools.
Ndër të tjera, europarlamentarët do të mbërrijnë edhe në një pikë kalimi kufitar të ndërtuar me mbështetjen e BE-së dhe do të vlerësojnë përpjekjet e ruajtjes për të ruajtur biodiversitetin e Liqenit të Shkodrës.
Anëtarët e delegacionit janë këta: David McAllister (EPP, Gjermani), Kryetar i Komisionit për Punët e Jashtme dhe Kryetar i delegacionit; Željana Zovko (EPP, Kroaci), Zëvendëskryetare e Komisionit për Punë të Jashtme; Hildegard Bentele (EPP, Gjermani); Isabel Santos (S&D, Portugali); Thijs Reuten (S&D, Hollandë); Thomas Waitz (Të Gjelbrit/EFA, Austri); Angel Dzhambazki (ECR, Bullgari).
