Një zjarr ka përfshirë një banesë në rrugën Memo Meto në kryeqytet. Sipas burimeve bëhet fjalë për një person me probleme mendore qe i ka vënë zjarrin banesës dhe është asfiksuar dhe vetë. Paraprakisht dyshohet se është dëmtuar lehte.Janë të paktën 3 zjarrfikëse në vendin e ngjarjes që po punojnë për fikjen e zjarrit.
Njoftim
Më datë 26.05.2022, rreth orës 22:05, në rrugën “Memo Meto”, shtetasi I. A., 42 vjeç, i cili dyshohet se vuan nga probleme të shëndetit mendor, i ka vënë zjarrin banesës së tij.
Në vendngjarje kanë kaluar shërbimet e Policisë dhe zjarrfikëset, të cilat kanë bërë të mundur fikjen e zjarrit dhe nxjerrjen e tij nga banesa.
Shtetasi I. A. si pasojë e asfiksisë është dëmtuar dhe po merr ndihmën e parë mjekësore.
Grupi hetimor ndodhet në vendngjarje dhe po punon për sqarimin e rrethanave të ngjarjes.
