Deputetja e PD-së, Jorida Tabaku është shprehur se bordet e ngritura për rritjen e çmimit nuk janë asgjë tjetër veç se një metodë komuniste për të zotëruar tregun e lirë.
Tabaku nëpërmjet një postimi në rrjet ka ndarë një moment nga bërja e pazarit teksa kuptohet se edhe deputetja është ndikuar nga kjo rritje e menjëhershme e çmimeve të produkteve ushqipore.
Tabaku ka shtuar se edhe në vende të tjera janë rritur çmimet por në Shqipëri së bashku me çmimet janë rritur dhe taksat.
“Sot mbi 250 000 fermerë që jetojnë me turizmin janë duke përjetuar krizën më te lartë prej rritjes së çmimit të inpiteve dhe kostove.
Siç edhe është shumë e qartë për këdo që pazarin del ta bëjë vetë çmimet e produkteve po shtrenjtohen përditë, kush më shumë e kush më pak, rritja e çmimit të domates, vezës janë rritur nga dy apo tre herë gjatë kësaj kohe.
Të ardhurat e shqiptarëve vazhdojnë mbeten të njëjtat, në mos inflacioni që me gjasë është më lartë se sa 5-6% sa thotë qeveria ka zhdukur nga xhepat e shqiptarëve mijëra lekë,” ka shkruar Tabaku.
