Laze Qoja, 37 vjeç ishte larguar nga banesa ku jetonte me motrën e saj që prej 8 majit të këtij viti.
Dhe vetëm 12 ditë më parë, e motra e saj me të cilën ndante dhe shtëpinë ka bërë një denoncim në komisariatin e policisë që kishte humbur.
Ato jetonin në fshatin Dobraç të Shkodrës, por ishin me origjinë nga Tropoja.
Ende nuk janë bërë të ditura rrethanat e ngjarjes, por trupi i 37-vjeçares është gjendur një një kanal në afërsi të Bypassit të Shkodrës. Nga verifikimet e para janë konstatuar shenja dhune, por që duhet theksuar se trupi kishte filluar të dekompozohej.
