Prokuroria e Sarandës ka njoftuar për sekuestrimin e 10 mijë metrave katrorë tokë në kanalin e Çukës afër vijës bregdetare.
Kjo pronë është regjistruar pranë Kadastrës me dokumente të falsifikuara. Për këtë janë shpallur në kërkim dy biznesmen, Behar dhe Bedri Muçobega.
Drejtori i Urbanistikës në Bashkinë e Sarandës, Pandi Zhonga, juristja e Agjencisë Shtetërore e Kadastrës, Rovena Alikaj, noteri Aleko Anagnosti dhe 3 persona të tjerë janë janë personat që u arrestuan ditën e dijshme.
Ky nuk është skema e parë e mashtrimit nga kjo Kadastër, pasi më parë një tokë shtetërore u privatizua me dokumente false dhe u kthye në lulishte dhe më pas u ndërtua tek ajo.
Vendimi i Prokurorisë
Prokuroria pranë Gjykatës së Shkallës së Parë Sarandë, në kuader të procedimit penal Nr. 605 të vitit 2020, pas zbatimit të urdhërave të ndalimit, ka kërkuar në Gjykatën e Rrethit Gjyqesor Sarandë caktimin e masës së sekuestros preventive në lidhje me pasuritë objekt hetimi, të cilat dyshohet se jane regjistruar në Agjensinë Shtetërore të Kadastrës Sarandë mbi bazën e dokumentave të falsifikuara.
Gjykata e Rrethit Gjyqesor Sarandë me vendimin Nr.50 dt. 02.06.2022, ka vendosur caktimin e masës së sekuestros preventive për një siperfaqe toke prej 10 230 m2, ndodhur në Turizëm-Kanal i Çukës Sarandë, në afërsi të vijës bregdetare.
Në vazhdim, organi i akuzës po vijon punën për vleftësimin në gjykatë të urdhërave të ndalimit dhe caktimin e masës së sigurisë për 10 persona të dyshuar për veprat penale “shpërdorim i detyrës” parashikuar nga neni 248 i Kodit Penal, ‘pastrimi i produkteve të veprës penale ose veprimtarisë kriminale’ parashikuar nga neni 287 i Kodit Penal, ‘falsifikimi i dokumenteve’ parashikuar nga neni 186/2 i Kodit Penal.
Në këtë veprimtari dyshohet se janë të përfshirë nëpunës shtetërorë, biznesmenë dhe shtetas të tjerë.
