Policia e Kosovës, në orët e hershme të së premtes ka parandaluar një rast të kontrabandës me emigrantë.
Kështu të paktën thuhet në komunikatën për media të Policisë së Kosovës, e cila më tej njofton se kontrabanda me emigrant ka përfshirë pesë persona meshkuj, shtetas të Bangladeshit, të cilët kishin hyrë ilegalisht në Kosovë me qëllim emigrimin në shtetet e perëndimit.
“Patrulla policore nga Stacioni për Mbikëqyrjen e Kufirit-Vërmicë, mbrëmë rreth orës 23:40, gjatë vëzhgimit të terrenit ka vërejtur disa lëvizje të dyshimta të disa personave nga pjesa malore që vjen nga Republika e Shqipërisë në drejtim të Republikës së Kosovës, kryesisht nga pjesa e ‘Folesë së Shqiponjës’”, njofton komunikata.
