Me anë të një njoftimi për mediat, Policia Rrugore bën të ditur se është duke vijuar kontrollet në rrugët e brendshme të kryeqytetit për ata që shkelin limitin e shpejtësisë.
Në njoftimin e fundit, Policia bën të ditur se janë gjobitur automjete të cilat janë kapur duke lëvizur më shumë se 120 kilometra në orë brenda kryeqytetit, ku shpejtësia maksimale është shumë herë më e ulët.
“Po ndodh në rrugët e kryeqytetit për rritjen e parametrave të sigurisë rrugore në fundjavë.
Makina inteligjente nuk njeh ditë pushimi, po skanon 24/7 shpejtësi të cilat janë rrezik potencial për përfshirje në ngjarje rrugore, shpejtësi nga 105 km/orë deri në 124 km/orë brenda në rrugët e qytetit.
Policia Rrugore apelon për të gjithë përdoruesit e rrugës: Të zbatojnë me rigorozitet rregullat e qarkullimit rrugor!
Fundjavë për tu shijuar, dhe jo për të fluturuar në rrugë duke rrezikuar jetën!”, njofton policia.