Detaje të reja kanë dalë në dritë këtë të diel nga grabitja e bankës 3 javë më parë në Koplik. Policia bëri të ditur se për këtë ngjarje ka arritur të vërë në pranga 3 autorët e dyshuar të saj.
Ngjarja në fjalë ndodhi më 9 maj të këtij viti. Gjithçka duket e mirëmenduar, autori në foto ka vendosur të fshehë identitetin e tij, përmes një maske si të filmave horror, duke i ngjarje personazhit Scream.
Siç shihet autori kërcënon përmes armës dy punonjës të bankës, ndërsa njëri prej tyre qëndron i shtrirë përtokë.
Për këtë ngjarje janë arrestuar 3 persona, konkretisht Bekim Gurraj, 22 vjeç, Armir Shabaj, 25 vjeç dhe Admir Shabaj, 19 vjeç, banues në Aliaj, Malësi e Madhe. Ndalimi i këtyre shtetasve u bë sepse në datën 09.05.2022, rreth orës 14:10, këta shtetas, në bashkëpunim me njëri – tjetrin, nën kërcënimin e armëve të zjarrit, kanë hyrë në degën e bankës, në Koplik, Malësi e Madhe dhe kanë marrë vlera të konsiderueshme monetare.
