Aleksandër Sadikaj pas atentatit me bombë të telekomanduar u transportua në spital me një makinë të rastit pasi ambulanca u vonua.
Në pamje duket momenti kur disa makina kanë ndaluar për t’i ardhur në ndihmë dhe në njërën prej tyre futet 27-vjeçari duke u transportuar drejt spitalit, por ndërroi jetë si pasojë e plagëve të rënda që mori.
Mjeti që drejtonte Sadikaj, ishte duke lëvizur nga Tirana në drejtim të Elbasanit, në momentin kur shpërtheu lënda plasëse, e më pas flakët në makinë.
Frika, paniku dhe tymi mbuluan zonën e Saukut. Tashmë policia dhe grupi hetimor po mbledhin provat për të shkuar të autorët që i morën jetën 27-vjeçarit nga Berati.
Paraprakisht ai dyshohet se disa vite më parë ishte hetuar për një vrasje në tentativë.
Megjithatë në tryezën e ekspertëve janë edhe konfliktet e mundshme të kohëve të fundit, rivaliteti mes bandave apo përfshirja në veprimtari të paligjshme.
