Çmimi i naftës në Shqipëri është gati 260 lekë për litër.
Deputetja e PD, Jorida Tabaku shprehet se nuk është vetëm lufta shkaku i rritjes së çmendur të çmimeve. Në një postim në Facebook ajo rendit disa arsye duke akuzuar qeverinë.
“Çmimet rriten kacafiu por qeveria ka mendjen të justifikohet.
Shqiptarët e shohin përditë se po shpenzojnë më shumë dhe po blejnë më pak. Kush po ia merr paratë nga portofoli veç inflacionit?
Taksat e larta, tarifat e larta dhe çmimet që rriten si pasojë e naftës dhe taksave.
Qeveria ankohet për luftën ndërkohë që duhet të kishte përveshur mëngët për të përballuar krizën dhe situatën inflacioniste.
Taksat e larta, më shumë para në buxhet që shkojnë për PPP-të dhe koncesionet.
Taksat e larta, më pak para në buxhetin e familjeve që shpenzojnë më shumë dhe blejnë më pak!
Do shpenzojnë më shumë shqiptarët nesër pasi çmimet e prodhimit janë rritur dhe kjo do të përkthehet në rritje të mëtejshme të çmimeve” thotë Tabaku.
