Tre ditë pas atentatit në Belgjikë që tentoi të vriste me 6 plumba Erion Hasanbellin, autori i dyshuar i krimit Kasandro Noga është arrestuar sot në Vjenë.
Hasanbelliu mbeti i plagosur rëndë si pasojë e breshërisë së plumbave që u zbrazën mbi trupin e tij, por fatmirësisht arriti që të shpëtonte dhe tashmë ndodhet nën kujdesin e mjekëve në spital.
Autoritetet belge në bashkëpunim me drejtësinë shqiptare u vendosën në lëvizje dhe autori i dyshuar është kapur në Austri. Atentati dyshohet se e ka burimin te një hasmëri e vjetër.
Kasandro Noga dhe Julian Çela i vranë babanë Erion Hasanbellit në vitin 2000. Dy vite më pas Erion Hasanbelli dhe vëllai i tij plagosën Kasandro Nogën dhe vranë Julian Çelën. Saga e hakmarrjes u zhvendos më pas jashtë vendit.
