Deputetja e PD-së, Flutura Açka teksa komenton arrestimin e ish-kryetarit të bashkisë së Vorës shkruan se Kajmaku, kajmak është dhe shtron pyetjen se cfarë do të bëhet me politikanët e korruptuar në pushtet.
“Kajmaku, si qeveria, jetë n’kajmak! Pa u fashitur ekzalatimi nga pseudosamiti i Open Ballkan, ia behu Kajmaku. Fundja Kajmaku kajmak është. Një milion euro një rrugë. Do ta ekstradojnë, do ia gjejnë telat, do ta lirojnë.
Çdo bëjmë me Hirrën, me Kumshtin, me Dhallën, Djathin që bie erë, Gjizën e krimbur, Kosin e mykur që i kemi në pushtet?
Këta të fundit 1 milion euro i kanë pare xhepi. Nuk ka SPAK që e fut në lak këtë bandë Monstrash. Sa për opozitën nuk po flas, se ka kohë që është një bandë Trollash” shkruan ajo.
Agim Kajmaku u arrestua në 27 maj në Itali me 20 kg kokainë, ndërsa në Shqipëri vazhdon gjyqin në Apel për falsifikim.
