Kreu i PAA, deputeti Agron Duka sot kishte një sugjerim për ministrat dhe kolegët e tij socialistë. Ai u kërkoi që të heqin nga fjalori fjalët fantastike dhe galopante, pasi nuk përputhen me realitetin, sidomos kur flitet për bujqësinë.
“Doja t’u bëja një sugjerim, që në fjalimet e ministrave, s’e di kush e ka shpikur për herë të parë, që përmendet fjala fantastike. Fantastik do të thotë një zhvillim përrallor, i paimgjinueshëm dhe me këtë, 9 vite do të kishim shkuar në Mars.
Fjala fantastike mund të përdoret nga opozita, çmime fantastike të imputeve bujqësore, naftës, etj. Sugjerim miqësor. Apo galoponte! Fantastik, galopant! Nuk jemi vend kaq shumë i zhvilluar, sa ministrat; fantastik, galopant!
Çfarë është kështu “mer jahu”. Ne kemi probleme kaq shumë. Ju lutem hiqeni nga fjalori juaj” u kërkoi ai.
