Arben Bekteshi, 30-vjeç, u shpëtoi 7 plumbave të pistoletës të shkrepura ndaj tij mbrëmjen e së premtes në qytetin e Elbasanit, në lagjen “Skënderbej”.
Mësohet se ndaj tij ka qëlluar shtetasi, Ermal Matishi 38-vjeç, një person me të cilin 30-vjeçari ka patur konflikte të mëparshëm. Fatmirësisht si pasojë e të shtënave nuk ka patur persona të plagosur, duke marrë parasysh dhe faktin se zona është e populluar edhe me banorë të shumtë.
Konflikti mes dy personave e ka zanafillën 3 javë më parë, kohë kur ata kanë patur një përplasje fizik me njëri-tjetrin.
Ky konflikti i nisur me grushte, përfundoi me përdorimin e armës pasditen e kësaj të premteje.
