Gjykata ka lënë në masën e sigurisë arrest me burg pa afat Ervis Bakallin dhe Dorian Kalon, pasi në banesën e Bakallit u zbulua një depo e modifikimit të armëve dy ditë më parë.
Dorian Kalo ka mohuar se ka lidhje me armët e gjetura në zonën e Yzberishtit. Kalo është shprehur se ai bënte piktura murale kur gjente punë, ndërkohë që paradite punonte si berber.
Prokuroria në kërkesën e saj për masën e sigurisë thotë se fillimisht policia ka shkuar në banesën ku u gjendën armët, pasi ishte sinjalizuar se një nga ambientet e saj ishte përshtatur për shtëpi bari, por nga kontrolli u zbulua edhe depoja që ishte përshtatur për modifikimin e armëve.