Ministrja e Jashtme sllovene, Tanja Fajon, duke arritur sot në takimin e ministrave të jashtëm të BE-së në Luksemburg, theksoi se nuk duhet harruar Ballkani Perëndimor, kur t’i jepet Ukrainës statusi kandidat për anëtarësim në BE.
Fajon, ka bërë të ditur se vendi i saj mbështet liberalizimin e vizave për Kosovën.
“Kjo është hera ime e parë këtu si ministre e Jashtme e Sllovenisë dhe jam e nderuar të marr pjesë në takim. Sot do të kemi një diskutim të rëndësishëm në lidhje me Ukrainën. Sllovenia do të vazhdojë politikën e saj për të mbështetur Ukrainën dhe popullin e këtij vendi. Ne gjithashtu mbështesim dhënien e kandidatit status për të gjitha vendet brenda partneritetit”, citohet të ketë thënë Fajon.
Në këtë kontekst, ajo nuk ka lënë pa përmendur edhe Kosovën.
“… Do të diskutohet edhe për liberalizimin e vizave për Kosovën, të cilin ne e mbështesim”, ka thënë Fajon.
