Bojkoti i avokatëve ka hyrë në javën e tretë. Ditën e sotme Dhoma e Avokatisë së Durrësit dhe Kavajës i është bashkuar bojkotit kundër hartës së re gjyqësore.
Sipas avokatëve, harta e re gjyqësore është një vendim arbitrar dhe cenon interesat e komunitetit, duke rritur kështu dhe kostot te qytetarët dhe dëmtuar aksesin në drejtësi.
Ata deklarojnë se harta e re gjyqësore sjell zvarritje të rëndë të proceseve gjyqësore në kohëzgjatje ashtu dhe në marrjen e drejtësisë.
Kjo është java e tretë e bojkotit, por qeveria është e vendosur për të mos i dëgjuar dhe për të miratuar raportin e KLGJ-së.
