Tragjike ishte dita e djeshme në Berat. 25-vjeçarja Klaudia Xhaferaj humbi jetën me të birin, pasi makina tip “Benz” përfundoi në lumin Osum. Tentativat e qytetarëve për t’i nxjerrë të gjallë nuk rezultuan të suksesshme.
Xhaferaj kishte vetëm pak ditë që kishte marrë patentën. Pamjet e kamerave të sigurisë kapën momentin kur makina e 25-vjeçares del nga rruga, çanë barrierat metalike dhe përfundon në lumë.
Ajo që tërhoqi vëmendjen nga videoja e kamerave të sigurisë ishte fakti që sa shpejt u ça barriera mbrojtëse. Por ekspertët thanë se nuk bëhet fjalë për barriera për makinat.
“Këto janë thjesht kangjella, kjo nuk përballon makinat, janë vetëm për këmbësorin” tha eksperti. 25-vjeçarja që sot u përcoll në banesën e fundit jetonte me djalin e vogël 6-vjeç, pasi burri ishte në emigracion.
