Një makinë është përplasur mbrëmjen e djeshme me një këmbësor në aksin Berat-Fier, nga ku ka ndërruar jetë këmbësori.
Mësohet se viktima është punëtor, i cili vinte nga Thumana për për të punuar në Berat. Shoferi me iniciale T.H, 58-vjeç, në fillim është arratisur por më pas ka arritur të kapet nga policia.
Grupi hetimor po punon për zbardhjen e rrethanave të aksidentit, nëse janë zbatuar apo jo elementë te sigurisë, qoftë nga firma që po punonte për sinjalistikën e rrugës, qoftë nga drejtuesi i mjetit.
Njoftimi i policisë:
Në datë 28.06.2022, rreth orës 23:00, në fshatin Velmish, Roskovec, shtetasi T. H., 58 vjeç, banues në Berat, duke drejtuar automjetin tip “Peugeot” ka aksidentuar me pasojë vdekjen dhe është larguar nga vendngjarja, shtetasin M. L., 45 vjeç, banues në Tiranë(punonjës i një firme që meret me sinjalistikën rrugore).
Drejtuesi i mjetit u kap dhe u shoqërua në ambientet e Policisë.
Grupi hetimor po punon për zbardhjen e rrethanave të aksidentit.
