Saranda u trondit mbrëmjen e sotme nga një shpërthim me eksploziv. Lënda plasëse ishte vendosur në hyrjen e një garazhi në hotelin në pronësi të Mariel Muratit, i cili aktualisht është drejtor i Fondit të Sigurimit të Detyrueshëm të kujdesit Shëndetësor në Sarandë. Shpërthimi në hotelin “Yacht” nuk është i pari.
Një vit më parë, në 9 shkurt në të njëjtin hotel ka patur sërish shpërthim tritoli, i cili ishte i vendosur në tarracën e së njëjtës godinë. Sonte Murati deklaroi se “nuk kam asnjë konflikt”. Hoteli ishte pak ditë para inaugurimit.
