Komisioni i Pavarur i Kualifikimit zhvilloi të martën seancën dëgjimore ndaj gjyqtares së Gjykatës së Lezhës, Elsa Ulliri.
Burime për media bëjnë me dije se KPK ka konfirmuar në detyrë gjyqtaren e Lezhës. Bëhet me dije se Ullirit nuk i janë gjetur probleme t pasurisë, siç i kishte rezultuar Komisionit.
Sipas Komisionit, Ulliri nuk kishte deklaruar pasurinë e anëtarëve të familjes për vitet që kishin qenë në një certifikatë familjare. Gjyqtarja tha se ky kishte qenë keqkuptim i saj dhe forma në të cilën ishte orientuar nga ILDKPKI, por këmbënguli se siç rezultonte nga hetimi, të afërmit e saj nuk kishin pasuri të tjera veç atyre të trashëguara, një përfundim që ishte arritur edhe nga KPK.
Për tre vite Elsa Ulliri ka mbajtur detyren e zëvendeskryatares të kësaj gjykate, ndërsa emri i saj u lakua në media për refuzimin e kërkesës së lirimit me kusht të një të dënuari për trafik droge.
