Ish-kryeministri Sali Berisha po mban një bashkëbisedim online me shqiptarë nëpër botë, ku ndër të tjera temë diskutimi janë zhvillimet e fundit në vend dhe protesta e 7 korrikut.
Berisha informoi shqiptarët jashtë vendit me zhvillimet dramatike në vend, ku PS kontrollon, pas marrjes së presidentit, 99.9% të pushtetit.
“Dua të sjell disa nga zhvillimet dramatike të cilat e bëjnë kritike situatën në Shqipëri. E para, pas zgjedhjes së presidentit, PS ka rikthyer në Shqipëri monizmin e plotë. Para zgjedhjes së presidentit, ky grafik tregon se nga viti 2013 në të cilën një mazhorancë kishte gjithsej 48% të pushtetit në Shqipëri, në vitin 2020 mazhoranca arrin të ketë 91% të pushtetit në Shqipëri. Të ketë më shumë seç kishte PPSH në vitin 1991. Dhe pas zgjedhjes së presidentit të republikës, kjo përqindje shkon në 99.9%”, u shpreh Berisha.
