Grupet e punës së Partisë Demokratike vijojnë takime në terren në lidhje me protestën e 7 korrikut.
Deputetë, anëtarë të Këshillit Kombëtar, anëtarë të Kryesisë dhe Sekretariateve kanë zhvilluar edhe bashkëbisedim me strukturat në bazë dhe me qytetare e biznese duke i shpjeguar arsyet perse duhet te jene ne protesten e opozites.
Ne njoftimin e shperndare per mediat, thuhet se arsyet kryesore perse qytetaret duhet te dalin ne shesh ne 7 korrik jane rritja e çmimit të naftës, ushqimeve bazë, rritja e taksave dhe korrupsioni.
Kryetarja e Lidhjes Demokratike të Gruas së Shqipërisë Albana Vokshi nga Njësia në Tiranë, u bëri thirrje grave dhe vajzave të jenë në terren për të ftuar çdo qytetar të ngrejë zërin kundër qeverisë e cila nuk mendon për njerëzit, por vetëm për pasurimin e saj.
“Protestat nuk do të ndalojnë deri në rrëzimin e qeverisë së korruptuar të Edi Ramës”, tha Vokshi.
Sekretari i Pergjithshëm Flamur Noka gjatë takimeve në Kamëz theksoi se “7 korriku është një mundësi për vendin, për të rinjtë, për të gjithë shqiptarët që nuk i dorëzohen realitetit, krimit e mjerimit”.
