Komuna e Prishtinës ka caktuar vendodhjen se ku do të mbahet festivali i madh “Sunny Hill”.
Komuna njofton se festivali do të mbahet në Parkun e Gërmisë, por për shkak të hapësirës së kufizuar edhe pjesëmarrësit do të jenë të kufizuar.
“Sunny Hill Festival zotohet se e gjithë hapësira e parkut që do të merret në shfrytëzim do të përdoret me kujdes të shtuar, dhe se pastrimi dhe rigjenerimi i parkut do të bëhet në afat rekord, edhe me investimet e nevojshme nga ana e Sunny Hill Festival.Ministria e Kulturës, Rinisë dhe Sportit dhe ministritë tjera përkatëse, bashkë me Komunën e Prishtinës janë zotuar të ofrojnë mbështetje të plotë për realizimin e një edicioni të jashtëzakonshëm të Sunny Hill Festival në Prishtinë më 4, 5, 6 dhe 7 gusht 2022”, thuhet në njoftim.
