Modelja e njohur Heidi Lushtaku, ose tanimë Heidi Demiral, u bë nënë gati dy muaj më parë, kur solli në jetë djalin e saj. Lajm që në atë kohë i surprizoi të gjithë pasi ajo dhe partneri, ish-futbollisti i Juventus dhe aktualisht i Atalantës, Merih Demiral, kishin zgjedhur ta mbanin sekret pritjen e ëmbël.
E mesa duket modeles shqiptare i pëlqejnë surprizat, pasi sekret ka zgjedhur të mbajë edhe martesën e saj me futbollistin turk, po të mos ishte për syrin e mprehtë të fansave të çiftit që e zbuluan statusin e tyre të ri nga bio-ja e Instagram-it të Heidit.
Siç mund ta shihni, ajo ka ndryshuar mbiemrin e saj në Demiral, por ka shkruar edhe Mama & E martuar. Çka do të thotë vetëm një gjë, ata janë zyrtarisht të martuar dhe ne tani na mbetet të presim vetëm dasmën e tyre.
