Zbardhen detaje të reja nga aksioni i madh që po zhvillohet në Tiranë nga Prokuroria dhe Krimi Ekomomik, ku deri më tani janë ekzekutuar 8 arreste, mes të cilëve edhe zyrtarë.
Bëhet e ditur se mes të ndaluarve është edhe një drejtor në Bashkinë e Tiranës, Eliodor Ndini. Aksioni po zhvillohet për veprat penale “korrupsion” dhe “shpërdorim detyre”, ndërsa është duke vijuar edhe në këto momente.
Operacioni po zhvillohet në bazë të një procedimi të nisur nga krimi Ekonomik i Policisë Tiranë, për Drejtorinë e Varrezave në Tufinë. Sipas informacioneve, janë arrestuar drejtori i varrezave, dy janë në kërkim e dy në gjendje të lirë.
Mësohet se këta persona, në bashkëpunim, kërkonin deri në 500 mijë lekë të vjetra për një varr të parablerë.
