Protesta të dhunshme në Shkup. Kryetari i VMRO-DPMNE-së, Hristijan Mickoski sonte në një konferencë për mediat deklaroi se u bë një montim klasik nga ana e qeverisë për ta fajësuar për incidentet. Ai tha se vetë ose ndonjë qytetar i pafajshëm mund të ishte vrarë.
“Për një kohë të gjatë kam marrë informacione për eliminimin tim me urdhër të qeverisë. Sonte pamë të paktën dy persona me armë zjarri gati për ta bërë këtë. Policia nuk u gjet askund,” tha Mickoski.
Ai tha se këtë skenar e ka paralajmëruar qeveria, përkatësisht ministri i Jashtëm, Bujar Osmani.
“Ju premtoj se nuk do ta harrojmë këtë foto”, tha Mickoski, tha ai referuar shqiptarit.
Mickoski bëri të ditur se nuk do të tërhiqen, por do të shkojnë deri në fund më masivisht. Protestat vazhdojnë nesër në orën 19:00.
