Sali Berisha u bëri thirrje policëve që të mos provokojnë gjatë protestës së të enjtes. Ndërkohë, ai i kërkoi Ramës që të mendojë dorëheqjen.
“Paralajmëroj të gjithë llojet e policive se çdo presion, çdo qëndrim çdo përpjekje për të intimiduar, për të dhunuar, për të penguar popullin opozitar, do të regjistrohet dhe do të marrë ndëshkim personal të merituar ligjor. Paralajmëroj të mos provokojnë protestuesit. Është e vërtetë që vapa dhe temperaturat janë të larta, por më të larta janë temperaturat e brendshme të qytetarëve në protestë. Nesër është një ditë e madhe, nesër është një ditë frymëzimi, beteje e vërtetë. Opozita zbret në shesh si një opozitë e vërtetë pas kaq vitesh. Rama është i ftuar të mendojë dorëheqjen sa më parë”, tha Berisha.
