Pas rritjes së ndjeshme të rasteve të reja me koronavirus, këtë të mërkurë u mblodh edhe Komiteti Teknik i Ekspertëve, i cili nuk riktheu masat, por bëri thirrje për bërjen e vaksinës dhe mbajtjen e maskës. “Komiteti bën apel për bërjen e vaksinës, pasi të gjithë qytetarët i kanë vaksinat e tyre në qendrat shëndetësore. Të pavaksinuarit infektojnë edhe të vaksinuarit. Bëjmë thirrje për mbajtjen e maskës në ambientet e mbyllura ku nuk mund të ruhet distanca”.
Eugena Tomini, drejtoreshë e Institutit të Shëndetit Publik, u shpreh se, mbështetur në të dhënat epidemiologjike, po paraqitet një trend në rritjen e rasteve pozitive. Ky trend pasqyrohet edhe në rritje të rasteve që kërkon trajtim spitalor.
Ndërkohë Silva Bino theksoi se mjeti kryesor për parandalimin e infeksionit është vaksinimi, i cili ka rënë në muajt e fundit.
“Vaksinimi është një mjet i rëndësishëm në parandalimin e formave të rënda, luan rol edhe në parandalimin e sëmundjes dhe është tepër i rëndësishëm në këtë periudhë që jemi. Vaksinimi me dozë të tretë ka shënuar një rritje të lehtë”, tha Silva Bino, shefe e Departamentit të Epidemiologjisë pranë ISHP-së,