Partia Demokratike ka kërkuar leje vetëm për dy orë për të protestuar nesër në Tiranë. Nga ora 19:00 deri në 21:00 është kërkesa që është depozituar në policinë Tiranës.
Ish-kryeministri ka ftuar qytetarë nga e gjithë Shqipëria për të marrë pjesë në tubimin kundër rritjes së çmimeve dhe menaxhimet që i ka bërë qeveria.
Por Edi Rama nuk do të jetë në zyrë. Ai ka njoftuar se në të njëjtën orë do të jetë në Vlorë në ceremoninë e hapjes së “Bypass”-it.
Në gatishmëri për shmangur incidentet do të jenë rreth 1200 forca policie.
Ekipet e rendit do të qëndrojnë ne formë kordoni, më pas do të janë ato të Shqiponjave e ndërsa grupet e FNSH do të pozicionohen disa metra më poshtë.
Disa grupe kontrolli do të qëndrojnë në hyrje të kryeqytetit.
Synimi është evidentimi i çdo automjeti të dyshimtë për armë zjarri, sende të forta si dhe lëndë piroteknike.
Për pikasjen e këtyre personazheve, departamenti i rendit dhe sigurisë publike po bashkëpunon me drejtoritë vendore.
Në këtë proteste të angazhuar do të jenë edhe oficerët e Antiterrorit.
Agjentët e këtij sektori do të vëzhgojne personat që kanë dyshimë për prirje terroriste.