Nusja e ish-kryeministri Sali Berisha, Armina Mevlani u shpreh dy ditë më parë se nuk mund të bënte pushime në Shqipëri për shkak se çmimet janë trefishuar.
“Këtë vit nuk shkoj dot në vendet që kam pas qenë gjithmonë sepse çmimet janë trefishuar”, tha Armina. Përmes një postimi në rrjete sociale, ajo thotë se po fliste për vendet që ka frekuentuar më parë brenda Shqipërisë pasi i kanë trefishuar çmimet.
“Një sqarim të vogël: Nuk kam thënë nuk shkoj me pushime por kam thënë që nuk shkoj në të njëjtat vende ku çmimet janë 3-fishuar dhe ku shkoja më parë (këtu e kisha fjalën për në Shqipëri)”, shkruan Armina.
Ndërkohë që mbrëmjen e djeshme Berisha organizoi një protestë masive ku një nga fokuset ishte dhe rritja dhe abuzimi me çmimet.
