Kryetari i PD-së, Sali Berisha deklaroi sot se partia që drejton është gati për zgjedhje të parakohshme. PD, tha ish-kryeministri, kërkon që të vijë në pushtet vetëm përmes votës së lirë.
“Mendoj se po. Mendoj se tubimi i misionarëve dje, dëshmoi se ku ndodhet PD-ja me veten e saj. Ishte një përgjigje. PD ishte në protestë.
Pse ka individë që preferojnë që të çojnë dolli me Ramën apo të mbajnë flamurin e pseudo-opozitës është zgjedhje e tyre, por PD është e bashkuar. Largimi i Ramës nga pushteti është objektivi më imediat i kësaj lëvizje, apo këtij revolucioni.
Pa diskutim që krijimi i një klime për zgjedhje të lira dhe të ndershme do të mbetet objektiv madhor.
Por nuk është çështja e pushtetit, themelore është përmbysja e monizmit, ndëshkimi i vjedhjeve të të tmerrshme dhe mbulimi që u bën “SKAPI) dhe prokuroria. Këta duhet të ikin. PD nuk synon që të vijë në pushtet në asnjë mënyrë tjetër veç votës së lirë”.
Lulzim Basha e dëgjoi këshillën e ti dhe dje nuk ishte në protestë. Por a ka Berisha një tjetër këshillë për ish-kryetarin e PD-së?
“Nuk kam këshilla të tjera. Ai ishte një rast i veçantë. Nuk do të më pëlqente të ndodhte ndonjë gjë, të anatemohej, ju ishit në kërkim të lajmit, pse të më prishte lajmin ai mua (qesh)” tha ai.
