Presidenti rus Vladimir Putin i dërgoi një letër personale ngushëllimi familjes së ish-udhëheqësit të vrarë japonez Shinzo Abe të premten, duke e quajtur atë “një burrë shteti i shquar”.
“Ju lutemi pranoni ngushëllimet e mia më të thella për vdekjen e djalit dhe bashkëshortit tuaj, Shinzo Abe”, shkroi Putin në letrën, drejtuar nënës dhe gruas së Abe.
Presidenti kolumbian Ivan Duque shprehu gjithashtu keqardhje të thellë në emër të kolumbianëve, duke shkruar në një postim në Twitter: “Ne do ta kujtojmë gjithmonë atë si një lider shumë pranë Kolumbisë. Solidaritet me familjen e tij dhe popullin japonez.”
Kancelari gjerman Olaf Scholz tha në një postim në Twitter se ishte “i habitur dhe i pikëlluar thellësisht” nga vdekja e Abe, duke thënë se vendi “do të qëndrojë afër Japonisë”.
Udhëheqësit e Izraelit folën gjithashtu, me kryeministrin Yair Lapid që vlerësoi Abe si “një nga udhëheqësit më të rëndësishëm të Japonisë moderne dhe një mik të vërtetë të Izraelit”. Presidenti i Izraelit, Isaac Herzog , lëshoi gjithashtu një deklaratë, duke thënë se ai ishte “i tmerruar nga vrasja e neveritshme e Shinzo Abe, një nga udhëheqësit më të shquar të Japonisë në kohët moderne”.
