Gjykata e Fierit ka lënë në burg 30-vjeçarin Klodian Çobaj që plagosi me thikë nënën e tij në banesën e tyre në Dukat të Patosit më 5 korrik. Kokulur dhe i heshtur, i riu nuk ka folur në gjykatë.
E plagosura 84-vjeçe Donika Çobaj arriti të shpëtonte por ndodhet në gjendje të rëndë në spital, pasi ka plagë në pjesë të ndryshme të trupit, qafë, bark dhe kofshë.
84-vjeçarja jetonte me një vajzë pasi bashkëshorti i kishte vdekur ndërsa djali ishte emigrant në Gjermani. Klodian Çobaj kishte rreth 20 ditë që ishte kthyer nga emigracioni.
Pas debatit në familje, ai qëlloi nënën disa herë. Fqinjët treguan se djali nuk ka qenë problematik dhe nuk janë dëgjuar debate me parë.