Apartamenti më i shtrenjtë i Nju Jorkut sapo doli sërish në treg. Një vit më parë, pronari i apartamentit në katin e 96-të të rrokaqiellit në Park Avenue po kërkonte 169 milionë dollarë, pasi shpresonte t’ia shiste apartamentin mbresëlënës një prej miliarderëve të bitcoin. Sot ai preferon t’ua zbulojë çmimin e pronës vetëm të interesuarve seriozë.
Apartamenti ndodhet në të ashtuquajturin “Rreshti i Miliarderëve”, ose ndryshe Radha e Miliarderëve të Manhattanit dhe zë të gjithë katin e 96-të të rrokaqiellit.
Ka gjashtë dhoma gjumi dhe shtatë banja, pasi shtrihet mbi 770 metra katrorë.
Shitësi është Fawaz Alhokair, një manjat saudit komercial i pasurive të paluajtshme, i cili pagoi 87.7 milionë dollarë për apartamentin në 2015.
Vitin e kaluar, kur u përpoq të gjente një blerës me 169 milionë dollarë, shumë e quajtën të tepërt.
Rekordi për apartamentin më të shtrenjtë u vendos në shkurt 2012, kur një pronë prej 6744 metrash katrorë në Central Park West u shit për 88 milionë dollarë.
Siç vuri në dukje New York Times, apartamenti më i shtrenjtë në Nju Jork u shit për një çmim shumë më të lartë, por ishte gjithashtu shumë më i madh. Apartamenti prej 23,029 metrash katrorë në 220 Central Park South iu shit në vitin 2019 për 240 milionë dollarë menaxherit miliarder të fondit Kenneth Griffin.
Këtë herë, pronarët nuk po japin çmimin e kërkuar të shitjes. “Çmimi do të jepet sipas kërkesës pasi ky aset është për një koleksionist të vërtetë. Çdo gjë e rrallë – si një vepër arti e kërkuar, për shembull – shpesh konsiderohet e paçmuar. Tregu përcakton vlerën e tij”, thotë ndërmjetësi Tal Alexander, sipas New York Post.
Apartamenti ka pamje mahnitëse të Central Park, bibliotekë, oxhak, dysheme lisi, banak mermeri, piano dhe shitet i mobiluar.
Pronari i ri do të ketë gjithashtu akses në restorantin privat, një tarracë për darka dhe ngjarje, një pishinë të brendshme, një palestër me spa, një studio, etj.
