Presidenti i Sri Lankës, Gotabaya Rajapaksa u largua nga rezidenca e tij zyrtare në Colombo disa minuta përpara se mijëra protestues të sulmonin atë, në një nga protestat më të mëdha antiqeveritare të vendit në muajt e fundit. Rajapaksa është zhvendosur në një vend të sigurt, ku ai mbrohet nga ushtria.
This is wild. Protesters who’ve stormed the Sri Lanka President’s house amid the escalating economic crisis are swimming in his pool. https://t.co/fumlLiaejv
— Avani Dias (@AvaniDias) July 9, 2022
Më herët, mijëra njerëz ishin dyndur në lagjen Colombo ku ndodhen ndërtesat qeveritare, duke brohoritur parulla kundër presidentit dhe duke thyer disa barrikada policie derisa arritën në rezidencën e tij. Policia qëlloi në ajër, por nuk ishte në gjendje të ndalonte turmën e zemëruar të rrethonte pallatin presidencial, tha një dëshmitar okular. Në fakt, videot që qarkullojnë në internet tregojnë se disa janë zhytur në pishinën e presidentit.
NOW – Protesters storm the presidential palace in Sri Lanka’s capital.pic.twitter.com/Wv6oQ10kBQ
— Disclose.tv (@disclosetv) July 9, 2022
Sri Lanka po vuan nga kriza më e madhe ekonomike në historinë e saj. Ajo është përballur me një mungesë të madhe valutore, e cila nuk e lejon të importojë sasi të mjaftueshme ushqimore, karburantesh, ilaçesh dhe produkte të tjera thelbësore.
Ishulli prej 22 milionë banorësh, pranë Indisë, prej muajsh jeton në ritmin e ndërprerjeve të përditshme të energjisë elektrike, radhëve të pafundme në pikat e karburanteve, racionimit të ushqimeve dhe inflacionit rekord që ka arritur në 70%.
