Një tjetër valë e Covid pritet ta përfshijë Shqipërinë në vjeshtë. Në muajin e fundit numrat kanë ardhur gjithmonë në rritje nga dita në ditë.
Ministrja e Shëndetësisë, Ogerta Manastirliu tha se po merren të gjitha masat në spitale në rast të ndonjë situatë në vijim. Brenda Gushtit do të hapet edhe spitali infektiv.
“Puna jonë duhet të jetë e fokusuar sepse duhet të përgatitemi për të nesërmen. Ashtu sikurse është alertuar edhe nga Organizata Botërore e Shëndetësisë, vjeshta mund të vijë me një valë të re të covid19 dhe varianteve të reja të Omicron.
Ndaj ne duhet të bëhemi gati që t’i përballojmë të gjitha ato emergjenca që mund të vijnë në të ardhmen, duke qenë të përgatitur dhe duke ndërtuar kapacitetet dhe duke i fuqizuar ato” ministrja. Aktualisht në Shqipëri janë mbi 6 mijë raste aktive me Covid.
