Një ngjarje e rëndë ka ndodhur këtë të hënë në Gjermani, ku një 30 vjeçar shqiptar ka humbur jetën, pasi u rrëzua nga skela ku ishte duke punuar.
Ishin miqtë e të riut të cilët njoftuan lajmin e trishtë përmes rrjeteve sociale. Ijon Bushi prej muajsh punonte në Gjermani për të ndihmuar familjen e tij.
I riu ishte djalë i vetëm në një familje me 5 motra dhe jetonte vetëm me nënën, pasi motrat i kishte të martuara.
Ndërkohë shokët e 30 vjeçarit kanë mbledhur fonde që trupi i tij të vijë në Shqipëri dhe të varroset në vendlindje.
